«Бабалар үні» Ауызша журнал

2023 жылдың 21 желтоқсанында Қармақшы аграрлы-техникалық колледжінің оқу залында «Оқуға құштар колледж» жобасы аясында «Бабалар үні» тақырыбында ауызша журнал өткізілді. Іс-шараны тарих пәнінің оқытушысы Гүлмира Жетібаева ұйымдастырды. Жалпы «Бабалар сөзі-даналық көзі» деген тақырып жастардың патриоттық сезімін ояту. 

Ежелгі Сыр жерінде дүниеге келіп, көреген көсемі, сөз бастар шешені, ұлы ойшыл, батагөй ақыны, күйшісі болған Қорқыт бабамыздың данышпандық інжу-маржанына айналған ғибратқа толы ұлағатты сөздері, жан тебірентер сырлы сазды күйлері мен жырлары ұрпақ мұрасын, мәңгілік таусылмас қазынаға айналуда. Шара барысында Қорқыт ата туралы слайд көрсетілді. Білім алушылар кемеңгер бабалардың бірі Қорқыт Ата туралы қызықты мағлұматтар алды.