«Оқуға құштар колледж» жобасы
«Кітап әуесқойы» акция.
Адами қасиеттердің ішіндегі ең ұлысы-кітап: ол адамзаттың рухани байлығының әлемі. Сондықтан жастарымыз кітап оқуды күнделікті әдет қылуы тиіс. Осыған байланысты 2024 жылдың 11 қаңтар күні Қармақшы аграрлы-техникалық колледжінің оқу залында «Оқуға құштар колледж» жобасы аясында «Кітап әуесқойы» тақырыбында акция өткізілді.
Шараны өндірістік оқу шебері С.Таңатова жүргізіп, слайд арқылы кітап туралы мағлұмат берді. Шара барысында Ас-23/11 оқу тобының студенттері Д.Сарыбаев, А.Серікбаева, А.Ордабек өздері оқыған көркем әдеби шығармаларынан үзінділер оқыды. Білім алушы Ас-23/11 оқу тобының студенті Гүлбейне Қойтбай М.Әуезовтің «Абай жолы» роман-эпопеясының ғажайып рухани қазына Абайдай ұлы ақынға, күрескерге,аяулы азаматқа арналған, оның халықпен қуанышта да, қайғыда да бірге бөліскен «қалың елім, қайран жұртым» деп соққан шығармасын насихаттап берді. Сонымен қатар, әлем балалар әдебиетінің інжу маржаны Даниэл Дефоның «Робинзон Крузо» романынан үзінділер оқыды. Колледж әдіскері Р.Елдесбаева кітап оқудың адам өміріндегі маңызын,оқусыз, білімсіз даму жоқ екенін түсіндіріп,студенттерді кітап оқуға шақырды.
