2024 жылдың 18 қараша күні Қармақшы аграрлы-техникалық колледжінде жалпы пән оқытушылары арасында «Үздік жалпы пән оқытушысы – 2024» байқауы болып өтті.

Байқаудың мақсаты:

• Техникалық және кәсіптік білім беру оқу орындарында  инновациялық ақпараттық-коммуникативтік технологияларды терең меңгерген, ғылыми-әдістемелік, шығармашылық құзыреттілігі қалыптасқан талантты, жаңашыл ізденімпаз оқытушыларды анықтау;

• Жалпы пән оқытушыларының мәртебесін көтеру;

• Жалпы пән оқытушыларының озық  іс-тәжірибелерді насихаттау мен  тарату.

Байқау кезеңдері: 

1.Тест  (педагогикалық әдістеме) – 30 минут

2.«Педагогикалық дизайн»  (оқытушының пән бойынша сабақ жоспарын  жобалау, ҚМЖ дайындау, уақыты: 10 минут)

3.«Менің әдістемелік жұмыс жүйем» - жоба (Сабақ беру барысында тиімді инновациялық әдіс-тәсілдер бойынша іс-тәжірибем, 10 минут).

4. «Жағдаятты сұрақтар» ( Сабақ беру барысындағы педагог пен білім алушылар арасындағы байланыс, жағдаятты сұрақтар 5-7 мин).

Байқауға 8 жалпы пән оқытушылары қатысып, байқау барысында озық іс-тәжірибелерін насихаттай отырып, инновациялық ақпараттық-коммуникативтік технологияларды меңгерген ізденімпаз оқытушы екендіктерін көрсетті.

Байқау нәтижесі бойынша Бағыланбаева Нұргүл Яхобқызы - 1 орын, Джумагалиева Алмагуль Асановна, Алпамысова Ақерке Амандыққызы – 2 орын, Калмурзаева Айнур Жолайхановна және Жүсіпова Ұлман Жайылханқызы – 3 орындарды иеленді.

Байқау жеңімпаздары колледж директорының арнайы дипломы мен кәсіподақ комитетінің бағалы сыйлықтарымен марапатталды.

Барлық жеңімпаздарды құттықтаймыз!