«Ұлттың ұлы перзенті – Темірбек Қараұлы Жүргенов»

Биыл осынау Алаштың асыл азаматы Темірбек Жүргеновтың туғанына 125 жыл толып отыр.

Осы орайда Қармақшы аграрлық-техникалық колледжінде қазақ тілі мен тарих апталығы аясында 2023 жылдың 26 сәуір күні колледж әдіскері, тарих пәні оқытушысы Елдесбаева Раушан Серікқызы  «Ұлттың ұлы перзенті – Темірбек Қараұлы Жүргенов» тақырыбында 1 курс студенттерімен тарихи - танымдық сабақ өткізді.

Мақсаты:

Студенттерге мемлекет қайраткері және журналист Темірбек Жүргеновтың өмірі мен қызметін таныстыру.

Студенттердің өз ойларын ашық айта алуын, топпен жұмыс жасау қабілеттерін дамыту.

Өз елінің тарихи тұлғаларына құрметпен қарауға тәрбиелеу.

Сабақ барысында студенттер 3 топқа бөлінді: «Өмірбаян», «Саясат» және «Естеліктер». Студенттерді топқа  бөлген соң тақырыпты ашу үшін Темірбек Жүргенов туралы бейне фильм көрсетіледі.

Үш топ алдын ала берілген тапсырма бойынша тақырыпты ашты, ізденіспен жұмыс жасағандықтарын көрсете білді.

Сабақ соңында студенттер бір-бірін қайталамай Темірбек кім? деген сұраққа бір сөзбен жауап берді.

Оқытушы Р.Елдесбаева сабақта белсенділік танытқан студенттерге алғыс білдірді.