Қармақшы аграрлы – техникалық колледжінде 27 сәуір күні қазақ тілі мен әдебиеті пәнінің оқытушысы Н.Абдиеваның ұйымдастыруымен Алаш қозғалысының қайраткері, қазақ халқының эпик ақыны Мағжан Жұмабаевтың 130 жылдығына байланысты «Мен жастарға сенемін!» атты поэзия кеші болып өтті.

Мақсаты: Жыр пырағы - Мағжан Жұмабаевтың өмірі мен шығармашылығын жан-жақты меңгерту. «Мен жастарға сенемін» өлеңінің маңызы туралы мәлімет бере отырып, өлеңнің мазмұнын, негізгі идеясын түсінуге жағдай жасау. Түсініп оқуға, оқығанды жеткізе білуге дағдыландыру. Ақын шығармашылығына қызығушылықтарын ояту. Студенттердің дүниетанымы мен ой-өрістерін кеңейту, ауызекі сөздік қорын дамыту, қабылдау, ойлау, есте сақтау қабілеттерін арттыру.

Ақынның өлеңдерін өнеге ете отырып, студенттерді айбаттылыққа, қайсарлыққа, өжеттілікке тәрбиелеу. Ұлтжандылыққа, елін, жерін, отанын сүюге, құрметтеуге баулу. Еңбексүйгіш, адами қасиеттерін тәрбиелеу.

Кеш барысында Мағжан Жұмабаев туралы естеліктер, ақынның өмір жолынан деректі фильмнен үзінді көрсетілді. І және ІІІ курс студенттері ақынның «Мен кім?», «Ана», «Анама», « Сүйемін» , «Түркістан» , «Мен жастарға сенемін» , «Сүй, жан сәулем.» , «Алдамшы өмір» , «Сағындым» атты өлеңдерін жатқа оқыды. Ф.Өмірзақ «Қазақ тілі», Е.Сансызбай «Қазақ жастары» әндерімен кешімізді қорытындылады.