Қармақшы агаралы-техникалық колледжінде 2023 жылдың 15-21 қыркүйек аралығында «Еңбек күнін мерекелеуге» байланысты «Менің жетістігім-менің нәтижем» тақырыбындағы апталықтың жоспарына сәйкес 21 қыркүйек күні колледж инженер-педагогтері А.Досболов,Н.Төреахметова, Н.Ілиясбек «Сенің таңдауың» тақырыбында І,ІІ курс студенттері арасында пікірталас өткізді.

«Жұмысы жоқтық, тамағы тоқтық аздырар адам баласын» демекші, бүгінде екі қолға бір күрек табылатын нарық заманында құр жатуға болмайды. Елдің еңбекпен көркейетінін ескерсек, еңбек адамының қоғамда қашанда орны ерекше, абыройы биік. Халық еңбекке бейім болса, ел ырысқа кенеліп, өзгелермен терезі теңеліп, бақуатты, бәсекеге қабілетті мемлекет болып нығаяды.